Ийэ тылыгар аналлаах нэдиэлэ

      Олунньу ый 12-20 күннэригэр Ийэ тылыгар аналлаах Нэдиэлэ биhиги оскуолабытыгар киэӊ далааhыннаахтык ыытылынна. Нэдиэлэ чэрчитинэн араас тэрээhиннэр буоллулар. Ол курдук, олунньу 13 күнүгэр ыӊырыыбытын ылынан норуот эмчиттэрин ассоциациятын чилиэнэ, «Аар -Айыы» итэҕэлин X кэрдиистээх алгысчыта, үрдүк категориялаах норуот эмчитэ, норуоттар икки ардыларынааҕы ЮНЕСКО иһинэн норуоттар медициналарын Магистра, Таркаайы нэһилиэгин бочуоттааҕа, үлэ ветерана Алиса Михайловна Иннокентьева кэлэн ыалдьыттаата, сахалыы сиэринэн алгыс тылынан арчылаата.

 Маны таһынан оҕолорго, учууталларга уонна төрөппүттэргэ аналлаах «Бастыӊ суруксут» диэн диктант күрэҕэ буолан ааста. Күрэх түмүгүнэн «Бастыӊ суруксут» аат иӊэрилиннэ: оҕолорго - Семенова Нарияна – 2 кылаас, Петрова Милена – 3 кылаас, Сивцева Юлианна – 4 кылаас, Николаева Ира – 5 кылаас, Афанаьсева Дуня – 8 кылаас, учууталларга – омук тылын учуутала Иванов И.А., төрөппүттэргэ – Степанова М.В. «ТОК» интеллектуальнай оонньууга 5-10 кыл. оҕолоро көхтөөхтүк кытыннылар. Манна А.Игорь хамаандата кыайан, 1 миэстэни ылла.

        Олунньу 16 күнүгэр «Саха суруйааччылара» презентация күрэҕэ олус интэриэһинэйдик буолан ааста. Бу  күрэххэ кылаастар бэлэмнээхтэрэ көһүннэ. Ол курдук  күрэх түмүгүнэн алын сүһүөххэ - 3 кылаастар, орто сүһүөххэ – 5 кылаастар кыайдылар. 3 кылаастар Суорун Омоллоон олоҕун, айар үлэтин туһунан кэпсээтилэр, альбом оӊороннор бэлэх ууннулар. 5 кылаастар Тимофей Сметанин олоҕун, айар үлэтин кылаас салайааччытын кытта тэӊӊэ инсценировка быһыытынан оонньоон көрдөрбүттэрэ олус кэрэхсэбиллээх. Маны таһынан бу күн лингвист С.А.Новгородов олоҕор, айр үлэтигэр аналлаах кылаас чаастара буолан аастылар.

        Алын сүһүөхтэргэ саха тылыгар олимпиада буолан ааста. 2 кылаастарга: 1м. – Афанаьсева Кристина, 2м.- Андреев Даниил, Яковлев Эдгар; 3 кылаастарга: 1м.- Яковлева Эвелина, 2м.- Алексеева Ярослава, 3м.- Старостина Нюргуяна. 4 кылаастарга:

1м.- Сивцева Юлианна, 2м. – Сивцева Зина, 3м.- Иванова Арсения.

Айар куттаах оҕолорго аналлаах кэтэхтэн күрэххэ « Айар куттаах оҕо» - Абрамова Саяна (1 кыл.), «Истиӊ иэйиилээх хоһоон»- Сивцева Юлианна (4 кыл.), «Тупсаҕай тутуллаах хоһоон» - Афанасьева Нюргуяна  (3 кыл.), «Көрдөөх хоһоон» - Филиппова Кэрэчээнэ

 ( 9 кыл.).

        Нэдиэлэ устата «Үбүлүөйдээх суруйааччылар»  библиотекаҕа быыстапка үлэлээтэ.

 

        Бары кылаастары бу тэрээhинэргэ ситиhиилээхтик кыттыбыккытыгар э5эрдэлиибит уонна Ил Дархан Е.А.Борисов тылларын эhиэхэ тиэрдэбит: "Тереебут терут тылбыт биhиги ей-санаа, сиэр-майгы еттунэн чел буоларбытыгар, омук быhыытынан билиниибитигэр, бэлиэ уратыбытын ейдуурбутугэр теhуу суолталаа5ын хайа да тугэннэ умнуо суохтаахпыт".